Vil du vere med å løfte næringslivet i Stad kommune?
Stad Vekst ser etter ein handlekraftig og engasjert prosjektleiar som vil vere med på å skape vekst, utvikling og nye moglegheiter for næringslivet og lokalsamfunnet i Stad kommune. Her får du sjansen til å jobbe tett på bedrifter, gründarar og lokale eldsjeler for å drive fram prosjekt som er viktige for næringslivet vårt.
Kva vil du jobbe med?
Som prosjektleiar vil du arbeide tett med dagleg leiar i selskapet. Du vil ha ei sentral rolle og ansvar for følgjande oppgåver:
- Initiere, utvikle og gjennomføre prosjekt som styrkar næringslivet i kommunen. Dette betyr at du også skal søkje om tilskot og finansiering for å realisere dei gode idéane.
- Kommunikasjonsansvar og formidling gjennom stadvekst.no og våre sosiale kanalar.
- Planlegge og gjennomføre nettverksmøter som frukostkaffe, temakveldar og næringspub.
- Oppfølging og vidareutvikling av Stad Vekst U40, som er eit nettverk for unge næringsdrivande i kommunen.
- Ta del i andre prosjekt og oppgåver som selskapet til ein kvar tid jobbar med.
Kven er du?
Vi trur du er ein person som:
- Har lyst til å påverke næringslivet i Stad kommune og vil få ting til å skje.
- Er kreativ og idérik – du ser moglegheiter der andre ser utfordringar.
- Er strukturert og målretta – du gjennomfører prosjekt du har starta.
- Er dyktig på formidling, både skriftleg og munnleg – du veit korleis du når ut og byggje engasjement.
- Likar å møte folk og skape gode relasjonar, anten det er med næringsliv, frivillige eller kommunen.
Kva kan vi tilby?
- Ei del- eller heiltidsstilling der du får stor fridom til å forme eigen arbeidskvardag
- Moglegheita til å jobbe med prosjekt som betyr noko for deg og lokalsamfunnet vårt.
- Eit stort nettverk av samarbeidspartnarar og bedrifter, både lokalt og regionalt.
Er du den rette personen for jobben? Då vil vi gjerne høyre frå deg innan 21. mars.
Send CV og søknad til dagleg leiar Synnøve Aabrekk på synnove.aabrekk@stadvekst.no. For meir informasjon om stillinga kontakt Synnøve på mobil 416 22 807 eller styreleiar Ove Kjøllesdal på mobil 911 39 572.
Om Stad Vekst:
Stad Vekst jobbar for å styrke og utvikle næringslivet i Stad kommune. I kommunen finn du eit mangfald av bransjar – alt frå marin og maritim industri til elektro, automasjon, bygg, ingeniørtenester, reiseliv, kultur, jordbruk, handel og mykje meir. Selskapet, som er eigd av næringslivet, jobbar aktivt med næringspolitisk påverknad og skal drive fram prosjekt som skapar vekst og nye moglegheiter for lokalsamfunnet. No kan du bli ein del av dette viktige arbeidet.